يحرم علي انساك

يحرم عليّ آنساك آنا آموت وماآنساك
بصبر على فرقاك لو طوّل علي فرقاك
ذبحتني وآنا آنتظر هذا آلوعد على آلساعه
وآلوقت عيّا لايمر وقلبي صبره ضيعه
بديت آحس إن آلعشق في من شراه ومن باعه
وآنا عشقتك بصدق ومايزيدك اقناعه

في قلبي لك غلا إنآسر وسط آلصدر بين اضلاعه
حب زرعته لك زهر عطر اغتنوبه صناعه
ومن آلغلا ليلي سهر يبني بها آلشوق آطماعه
محتاج منك لو سفر ينصب على الحب اشراعه

تعال ولك قلبٍ آمر لبيك سمعاً وطاعه
ماينثني عزمه دهر ولا يرده مناعه
ولهان ومللني آلصبر وآنا آنتظر على آلساعه
وآلوقت عيّا لايمر وقلبي صبره ضيعه

أحب فيك الوقت لا غابوا الناس

أحب فيك الوقت لا غابوا الناس
وأحب فيك الناس لا صرت موجود
وأحب فيك الليل لا صار هوجاس
وأحب باكر دامني فيك موعود

كيف أتنفس وأنت ما غيرك أنفاس
قيدتني وحريتي صارت قيود
كيف اجتمع بك كل مابي من إحساس
كيف اختصرت الكون بعيونك السود

وش سهّرك فيني وأنا كلي نعاس
وش طولك فيني وأنا كلي حدود
اعشق جنوني فيك وارفع بها الراس
وان قلتي ناقص قلت نقصي هو الزود

ما هو بكيفي والظمأ يكسره كاس
بشرب ظماك ويرتوي يابس العود
دام الرجاء لي فيك ما يعرف الياس
ليه انتظر موتي وأنا فيك مولود